7 kandidatë janë tërhequr nga procesi i primareve në Partinë Demokratike, dorëheqje që Sali Berisha i ka quajtur si mundësi të “lirisë së shprehjes”.
Kandidatët që janë tërhequr nga gara janë Feride Rrahmana në Tropojë, Erjon Iljazi në Lushnje, Dritan Cani në Belsh, Kodhel Çala në Gramsh, Arben Miza në Devoll dhe Denis Hidri e Ilir Ndreu në Krujë.
Tensione mes demokratëve ka patur edhe në Kuçovë, ku raportohet se është dorëhequr kryetari i Degës së PD, Myslim Haxhiu. Ky i fundit ka protestuar duke u shprehur se “bashkia e qytetit po i falet Partisë së Lirisë”. Në Malësinë e Madhe është shtyrë gara, pasi u raportua se nuk kishte kandidatë. Megjithatë Berisha e mohoi diçka të tillë.
