Këshilli i Lartë i Prokurorisë ka vendosur sot emërimin e prokurorit Arens Çela, në pozicionin e Drejtuesit të Prokurorisë Tiranë, me një mandate 3-vjeçar deri në 10 janar të vitit 2029.
Emri i tij është i njohur, pasi Çela 4 vite më parë, në vitin 2022, u emërua nga KLP si drejtues i përkohshëm i po së njëjtës prokurori, në vend të Elisabeta Imerajt, e cila ishte shkarkuar nga Kolegji i Posaçëm i Apelimit, ai e mbajti këtë pozicion për 7 muaj para se të rizgjidhej si drejtues zyrtar i prokurorisë së Tiranës.
Ky i tanishmi për të është emërim i dytë, e vjen fill pas mbarimit të mandatit tre vjeçar si drejtues i Prokurorisë Tiranë, pra nga viti 2022 deri më vitin 2025.
Për sa i përket vettingut Arens Çela, është konfirmuar në detyrë nga Komisioni i Pavarur i kualifikimit në 23 mars 2021.
