Prokuroria e Posaçme ka ushtruar sot kontrolle të befasishme në banesat dhe zyrat e disa zyrtarëve të lartë dhe ish-zyrtarëve, në kuadër të hetimeve për AKSHI-n.
Mes ish-zyrtarëve ndaj të cilëve është ushtruar kontroll ka qenë dhe ish-kreu i Policisë së Shtetit, Ilir Proda. Ky i fundit u paraqit sot në SPAK, në kuadër edhe sipas procedurave që përcakton ligji.
Siç shihet nga pamjet e siguruara nga “BalkanWeb”, Proda shfaqet tejet i ‘përhumbur’ ndërsa ecën duke pirë cigare. Kujtojmë se GJKKO caktoi masën e sigurisë ‘arrest shtëpie’ për kreun e SHISH, Vlora Hyseni, ndërsa caktoi ‘arrest me burg’ për disa efektivë policie.
