Juristi Kreshnik Spahiu deklaroi se Ilir Meta nuk ka plan të arratiset nga drejtësia, por qëllimi i tij është për të përfituar sa më shumë kohë në rast se thirret për të dëshmuar në SPAK.
Edhe pse nuk dihet vendndodhja e kreut të Partise se Lirise, Spahiu thotë se Ilir Meta është duke monitoruar nga larg situatën.
“Ndonëse Meta është larguar në të njëjtën ditë që ndodhën arrestimet, unë jam nga ata që besoj se Meta nuk do kërkojë azil politik dhe nuk do të arratiset nga Shqipëria. Unë jam nga ata që besoj se Ilir Meta është fshehur dhe po qëndron në distancë, për të monitoruar situatën se çfarë do të ndodhë dhe një nga arsyet që unë besoj se Meta do të kthehet është mos arrestimi i Berishës”, tha Kreshnik Spahiu, duke shtuar se: “Në këtë moment Ilir Meta po e shikon nga larg këtë proces, pasi në këtë formë monitoron situatën, rrit kontaktin dhe fiton më shumë kohë“.
