Paga minimale në Shqipëri së shpejti do të bëhet 400 mijë lekë të vjetra.
Lajmin e ka bërë me dije kryeministri Edi Rama i pranishëm në një takim me studentët përfitues të programit të ri të bursave të studimit sa një pagë minimale e përmuajshme.
“Paga minimale shumë shpejt do të shkojë në 40 mijë lekë, çështje disa javësh dhe do të fillojë të aplikohet brenda shumë pak muajsh për të gjithë. Nuk duam të ketë një pagë më të ulët se 40 mijë lekë qoftë në sektorin publik, qoftë në atë privat. Paga minimale do rritet në vijim dhe duam që brenda 2 viteve të shkojë në 45 mijë lekë”, tha Rama