Kreu i DPSHTRR, Bledi Gonxhja u bën apel shoferëve të mos qarkullojnë pa kolaudim, pa paguar siguracionin dhe pa shlyer taksat pasi janë duke u monitoruar nga “automjeti inteligjent i policisë”.
Gonxhja bënë të ditur se po zhvillohen kontrolle intensive në Tiranë përmes sistemeve inteligjente të skanimit të targave, e cila luan rolin e “spiunit” per mjetet të cilat lëvizin pa kolaudim, pa siguracionin apo pa paguar taksat.
“Vetëm brenda një turni ditor monitorues në Tiranë (Qendër-Kinostudio, Unaza e Madhe, Unaza e Vogël, Komuna e Parisit, Selitë), nga 3362 targa të skanuara, Makina Inteligjente e DPSHTTR ka zbuluar 392 targa të mjeteve debitore, në qarkullim me taksa të papaguara. arregullsitë në dokumentacionin e mjeteve rrugore sjellin pasoja të rënda për sigurinë publike”, thekson Gonxhja.
