Në hartën globale të udhëtimeve ekziston një grup i vogël vendesh, ku pasaportat ofrojnë përparësi të qarta, duke lejuar lëvizje jashtë vendit me kontrolle minimale, më pak barriera burokratike dhe pritje më të shkurtër në kufij.
Sipas versionit më të fundit të “Henley Passport Index”, kryesojnë kryesisht vendet aziatike. Çuditërisht në vend të parë renditet Singapori, ndërsa vendin e dytë e ndajnë Japonia dhe Koreja e Jugut.
Kryeqytetarët me pasaportë singaporiane mund të udhëtojnë pa vizë në 192 vende dhe rajone. Pas tyre vijnë Japonia dhe Koreja e Jugut, qytetarët e të cilave kanë akses të lirë në 188 destinacione.
Në vendin e tretë renditen pesë vende evropiane: Danimarka, Luksemburgu, Spanja, Suedia dhe Zvicra, me akses në 186 vende.
Vendin e katërt e zënë shtetet evropiane, si: Austria, Belgjika, Finlanda, Franca, Gjermania, Greqia, Irlanda, Italia, Holanda dhe Norvegjia, ku qytetarët mund të udhëtojnë pa viza në 185 vende.
Renditjen e dhjetë më të mirëve e përmbushin Shtetet e Bashkuara, të cilat rikthehen në vendin e 10-të me 179 destinacione, pas daljes jashtë dhjetë më të mirëve në fund të vitit 2025.
Ndërkohë, Shqipëria renditet në vendin e 43-të, bashkë me Ishullin Palau dhe Mikronezinë, qytetarët e të cilave kanë akses të lirë në 121 destinacione pa viza.
