Në ambientet e Kryeministrisë ditën e djeshme është zhvilluar një drekë e rëndësishme. Kreu i qeverisë Edi Rama ka pritur në një takim sipërmarrësin e njohur italian Flavio Briatore ndërsa pjesë e tryezës është edhe biznesmeni shqiptar Agim Zeqo.
Nuk ka detaje të këtij takimi mes Ramës, Briatores dhe Zeqos. Gjatë një video në instastory, Briatore nuk kursen elozhet për Edi Rama të cilin e etiketon si kryeministrin më të mirë që ka transformuar Shqipërinë.
“Jemi në Shqipëri, jemi mysafirë të Kryeministrit. Kjo është “Casa Italia”. Aty është edhe flamuri ynë, dhe ja kryeministri që po modernizon tërësisht Shqipërinë, do të bëhet një vend i madh, një kryeministër i madh”-tha Briatore përpara se të tregojë dhomën ku do të mblidhen së shpejti darkuesit.
