Kryeministri Edi Rama ka publikuar mëngjesin e sotëm pamje nga projekti i urës mbi Bunë të nënshkruar një ditë më parë mes dy qeverive asaj shqiptare dhe të Malit të Zi.
Kreu i qeverisë shqiptare tha se ky projekt do të bashkëfinancohet nga të dy qeveritë dhe do të shkurtojë distancat mes Velipojës e Ulqinit nga 73km në 300m.
“Projekti i “Urës mbi Bunë”, një projekt i bërë gati për zbatim nga Fondi Shqiptar i Zhvillimit, i cili do të bashkëfinancohet nga dy qeveritë, për të lidhur vendet tona duke shkurtuar distancën mes Velipojës e Ulqinit nga 73km në 300m, si edhe duke i dhënë një shtysë të re lirisë së lëvizjes, turizmit dhe ekonomisë ndërkufitare”, shkruan Rama.
Qeveria shqiptare ka nënshkroi një ditë më parë me qeverinë malazeze marrëveshjen për ndërtimin e urës mbi lumin Buna në Shkodër. Kostoja e urës dhe pikës kufitare do të shkojë deri në 20 milionë euro dhe do të ndahet 50% me 50%.
