Drejtuesi politik i fushatës politike të koalicionit te Berishes, Chris LaCivita ka deklaruar se do të kthehet në Shqipëri brenda pak ditësh.
Përmes një video në krah të Fatmir Mediut gjatë qëndrimit të këtij të fundit në Amerikë, LaCivita shprehet se mezi pret të kthehet në Shqipëri për ta bërë sërish kryeministër Sali Berishën.
“Jam rrugës për në Shqipëri. Mezi pres të vij. Ta bëjmë Shqipërinë Madhështore!”, shprehet LaCivita.
Kryeministri Edi Rama e cilësoi punën e LaCivita si “makiazh trumpist”, i cili sipas tij, nuk mund ta ndihmojë PD-në të fitojë zgjedhjet. Pasi nënshkroi kontratën me Sali Berishën, LaCivita u “zhduk” në SHBA duke mos u shfaqur me stafin e “koalicionit madhëdhtor” të opozitës.
