Ish-deputetja e Partisë Demokratike, Lajla Përnaska ka deklaruar se do të kandidojë në garën e 14 Majit për kryebashkiake të Tiranës. Edhe pse vjen nga radhët e demokratëve, ajo ka zgjedhur të mos qëndrojë krah Belind Këlliçit, por të garojë dhe vetë përballë tij dhe Veliajt.
Mirëpo, pa u bërë ende 24 orë nga kjo deklaratë, demokratët i kanë publikuar Lajla Përnaskës një foto me kryebashkiakun aktual Erion Veliaj. Ata ngrenë dyshime për garën e ish-deputetes demokrate, në një kohë që PD ka kandidat zyrtar Belind Këlliçin.
