Është nënshkruar marrëveshja e parë në Samitin e Bashkimit Europian me Ballkanin Perëndimor në Tiranë. Marrëveshja ka për qëllim uljen e tarifave të shërbimit telefonik “Roaming” gradualisht deri në heqjen e plotë në vitin 2027.
Ky është një lajm i mirë për Shqiptarët dhe për vendet e tjera të Ballkanit Perëndimor të cilët kur të udhëtojnë në Europë do të kenë tarifa shumë më të ulëta telefonike me “Roaming”. Presidenti i KiE, Charles Michel është shprehur se marrëveshja për tarifat roaming është një arritje konkrete.
“Është një etapë e rëndësishme. Jemi të bindur që e ardhmja e Ballkanit Perëndimor është në Bashkimin Europian”, u shpreh Michel.
