Kryeministri Edi Rama njoftoi sot se në muajin mars do të hapet përfundimisht e gjithë Rruga e Arbrit.
Rama shprehu vështirësinë e hasur në përfundimin e këtij seksioni të rrugës së Arbrit, për shkak të gjeologjisë së vështirë.
Ky tunel bën të mundur që i gjithë qarku i Dibrës të jetë akoma më afër me Tiranën, duke shkurtuar distancën në më pak se 1 orë e 20 minuta.
“Jemi në kushtet kur po shkojmë drejt përfundimit të rrugës së Arbrit pas një riarmatimi me një teknologji tjetër të të gjithë tunelit. Besoj shumë se më në fund në mars do ta heqim këtë sy të keq nga shpina, sepse realisht ai tunel na ka marrë shpirtin. Por, bashkë me pranverën do të dalë edhe shpirti i keq nga tuneli dhe dibranët mund të venë e vijnë me rrugën e hapur”, tha Rama/ Rilindje.info
