Kuvendi i Shqipërisë i ka ndërprerë pagën deputetit socialist Arben Ahmetaj, pasi ky i fundit që prej korrikut është shpallur në kërkim ndërkombëtar për aferën e Inceneratorëve.
Burime për Report Tv bëjnë me dije se administrata e Parlamentit ka kërkuar ndërprerjen e të gjitha shërbimeve mbështetëse të deputetit dhe ish-zv/kryeministrit, në këtë mënyrë ndaj tij do të ndërpriten të gjitha përfitimet materiale të cilat vijnë për shkak të pozicionit të tij në Kuvendin e Shqipërisë. Pjesë e përfitimeve që ndërpriten, janë telefoni, automjeti, karburanti, shpenzimet e banimit etj.
Më 24 Korrik Prokuroria e Posaçme i dërgoi një shkresë zyrtare Organizatës Botërore të Policisë Kriminale, njohur si Interpol, që Arben Ahmetaj të shpallej në kërkim ndërkombëtar.