Strukturat e Partisë Socialiste në Mat janë mbledhur ditën e sotme njësoj si ata në Tiranë, për të diskutuar mbi hartimin e strategjisë zgjedhore lokale 9 nëntorit që do të zhvillohen në këtë bashki si dhe në 5 të tjera.
Kandidati i kësaj bashkie nga PS është Altin Bojni, i dyti i bërë me dije nga Partia Socialiste, pas Ogerta Manastirliut për Bashkinë e Tiranës.
Drejtuesi i PS-së në qarkun e Matit, Hasan Pasha, në analizën e bërë gjatë mbledhjes, pretendon për një fitore me 60% të votave përballe 36% të opozitës.
Ndërkohë nga opozita ende nuk ka një kandidat të zyrtarizuar si për këtë bashki apo edhe për 5 të tjerat, Tiranë, Vlorë, Tepelenë, Cërrik dhe Berat.
