Erion Veliaj është dërguar paraditen e së enjtes në paraburgimin e Durrësit.
Dje, Gjykata e Posaçme ka lënë nën masën e sigurisë ‘arrest me burg’ për kryebashkiakun e Tiranës, i cili nuk u transferua mbrëmjen e djeshme drejt burgut të Durrësit për shkak të orarit të papërshtatshëm. Mëngjesin e sotmë Veliaj u zhvendos nga blloku i sigurisë në Tiranë drejt Durrësit.
Ndërkohë GJKKO ka zbutur masën për Ajola Xoxën, bashkëshorten e kryebashkiakut. Ajo nuk mund të dalë jashtë shtetit, por duhet të paraqitet në policinë gjyqësore. Xoxa duhet të shkojë në SPAK të premten e parë dhe të tretë të çdo muaji./ Rilindje.info
