Gjykata e Posaçme ka liruar Sali Berishën.
Gjyqtarja e GJKKO, Flojera Davidhi ditën e sotme ka dhënë vendimin befasues për revokimin e masës së sigurisë “arrest shtëpie” për Sali Berishën. Me këtë vendim të fundit të trupës gjykuese, ndaj Sali Berishës tashmë nuk ka asnjë masë tjetër sigurie.
“Sot gjykata revokoi masën e arrestit të shtëpisë. Nga sot Sali Berisha është i lirë. Ndaj tij nuk ka asnjë masë tjetër sigurie. Mbas vendimit të Kushtetueses. Prej sot Berisha është i lirë. Mos u mërzisni që Sali Berisha u lirua”, tha avokati Genc Gjokutaj.
Berisha ndodhej në ‘arrest shtëpiak’ prej 30 dhjetorit 2023 pasi refuzoi të zbatonte vendimin e parë të GJKKO-së për masën e sigurisë ‘detyrim me paraqitje’ në kuadër të hetimeve për dosjen ‘Partizani”.
