Enea Karakaçi do të jetë drejtuesi i ri i Operatorit të Shpërndarjes së Energjisë Elektrike. Lajmin e ka konfirmuar ministrja Belinda Balluku, e cila këtë të premte ka bërë dhe prezantimin e “të besuarit” të saj, Enea Karakaçit.
“Këtë takim e kam kërkuar si fillim për të prezantuar administratorin e ri të OSHEE-së Enea Karakaçi që mendoj se zgjedhja e tij në këtë pozicion tregon që vëmendja qëndron si zakonisht me OSHEE. KESH ka një rëndësi të veçantë në prodhimin dhe në menaxhimin, nuk do të ketë ndërprerje sa i përket investimeve pra OST do të ketë mbështetje, por OSHEE është një nga pikat kyç pasi janë ato që përballen me klientin”, u shpreh ministrja Balluku.
Enea Karakaçi zëvendëson në këtë post Adrian Çelën, i cili pak kohë më parë ka mbyllur zyrtarisht mandatin në krye të OSHEE.
