Gjykata e Lartë rrëzon rekursin për ish deputetin e PD, Ervin Salianji i cili kërkoi lirinë në prag të zgjedhjeve të “11 majit”.
Pas këtij vendimi të Gjykatës së Lartë, Salianji është i detyruar të qëndrojë në burg duke iu “djegur” mundësia për të garuar në zgjedhje.
Kujtojmë se Salianji ndodhet në burgun e Fierit prej datës 27 Shtator 2024. Ish-deputeti demokrat akuzohet për “kallëzim të rremë publik” në lidhje me çështjen “Babale” pasi Gjykata e Apelit la në fuqi vendimin e Shkallës së Parë për dënimin e Salianjit me 1 vit burg.
Arrestimi i tij u pasua me një sërë reagimesh politike të krahut të djathtë të cilët e cilësuan vendimmarrje politike.
