Një aksident i rëndë ka ndodhur mëngjesin e sotëm në Moravë të Beratit.
Dy automjete janë përplasur duke u shkatërruar plotësisht, ndërsa një prej shoferëve ka ndërruar jetë në spital si pasojë e përplasjes së fortë. Ky i fundit ka marrë plagë të rënda dhe është transportuar drejt spitalit, ku ka humbur jetën më pas.
“Rreth orës 07:30, në fshatin Moravë, janë përplasur automjeti me drejtues shtetasin F. P., 31 vjeç, me automjetin me drejtues shtetasin E. I., 50 vjeç. Si pasojë është dëmtuar 50-vjeçari, i cili është në kujdesin e mjekëve, aktualisht në gjendje të rëndë shëndetësore”, njofton policia.
Grupi hetimor po punon në vendngjarje për zbardhjen e rrethanave të rastit.
