Apeli i GJKKO ka shtyrë për të dytën ditë me radhë vendimin për Erion Veliajn i cili kërkoi lirinë duke ndryshuar masën e sigurisë.
Seanca e sotme ka zgjatur për rreth 3 orë dhe në fund të saj, gjyqtari i Apelit të Posaçëm, Engert Pëllumbi njoftoi se “vendimi për Erion Veliajn do të shpallet ditën e nesërme në orën 10:00“.
Gjatë seancës së sotme në Apel, Erion Veliaj kundërshtoi provat e reja të dorëzuara nga prokurorët e SPAK, Ols Dado dhe Altin Dumani, të cilët kërkojnë vazhdimin e masave “Arrest me burg”.
“Keni sjell “prova të reja”, kërkoj të sillni kamerat dhe kjo seancë të jetë e hapur për median. Silllni mediat që t’i deklaroj publikisht edhe para tyre përgjimet e kryera ndaj meje. Nuk kam asnjë sekret në bisedat e telefonike me familjarët e mi nga kabina burgut. Më izoluat 1 muaj në burg që të gjenit “prova të reja. Saliu e ofendoi SPAK dhe e akuzoi si organizatë kriminale, çfarë e gjeti? Pse nuk u konsideruan prova të reja sulmet e Berishës ndaj SPAK?”, ka thënë Veliaj në seancë.
