Qeveria Rama ka vendosur të mbulojë shpenzimet e mjekimit për zv/ministren e Shëndetësisë, Mira Rakacolli (Kapisyzi) me një fond prej 30 milionë lekësh të vjetra.
Ky fond përballohet nga Fondi i Sigurimit të Detyrueshëm të Kujdesit Shëndetësor dhe pagesa bëhet me paraqitjen e faturave përkatëse të institucionit ku do të kurohet Mira Rakacolli e cila është sëmurë.
“VENDIM: Mbulohen shpenzimet e mjekimit të Mira Rakacollit (Kapisyzi), në masën e 3 milionë lekëve të reja. Pagesa bëhet me paraqitjen e faturave përkatëse të institucionit të kurimit. Ngarkohen Ministria e Shëndetësisë dhe Mbrojtjes Sociale dhe Fondi i Sigurimit të Detyrueshëm të Kujdesit Shëndetësor për zbatimin e këtij vendimi. Ky vendim hyn në fuqi menjëherë”, thuhet në njoftimin e Qeverisë Shqiptare.
