Kryeministri Edi Rama ka bërë me dije se duke filluar nga dita e sotme do të nisë shpërndarja e bonusit të fundvitit (50 mijë lekë të vjetra) për të gjithë pensionistët.
Këtë bonus e përfitojnë mbi 695 mijë pensionistë, pensionistët që kanë kategori invaliditeti, familjeve me ndihmë ekonomike si dhe për kategorinë e tetraplegjikëve dhe paraplegjikëve. Shpërndarja e bonusit do të nisë së bashku me masën e përfitimit të pensionit nga dita e sotme, 2 Dhjetor.
“Në total është një paketë prej 4.3 mln lekë të reja, rreth 40 mln dollarë. Kemi marrë vendimin nga janari për aplikimin e një tjetër mase për nënat e papuna me 3 fëmijë të mitur, të cilat qeveria do u paguajë të gjitha sigurimet shoqërore dhe shëndetësore sikur të ishin në punë”, tha Rama.
