Ndahet nga jeta ne moshe te re gazetarja e njohur shqiptare e “Zërit të Amerikës”, Rudina Dervishi. Ikja e saj e parakohshme, është një humbje e madhe për familjen dhe për kolegët e saj.
Gazetarja dhe drejtuesja e njohur prej shumë vitesh e emisionit televiziv “Ditari” të Zërit të Amerikës, u nda nga jeta në moshën 53-vjeçare, pas një beteje 2-vjeçare me kancerin e gjirit.
Për më shumë se 25 vjet, Rudina dha një kontribut të çmuar me profesionalizmin e saj si një gazetare e apasionuar, duke mbuluar tema të shumëllojshme nga ekonomia, politika, të drejtat e njeriut dhe të gruas, e deri tek arti.
