Gjermania dhe Franca shprehën mbështetjen për punën e SPAK-ut që së fundmi ka arrestuar liderët e opozitës, Sali Berishën dhe Ilir Metën.
Për arrestimet në nivele të larta të politikës që ka bërë SPAK, Ambasadori i Gjermanisë, Karl Bergner u shpreh se ”SPAK është një tregues i fortë për besimin që do kenë shtetet anëtare të BE-së ndaj Shqipërisë. Qëndrueshmëria e institucioneve të fuqishme, jo vetëm SPAK, por edhe institucione të tjera ligjzbatuese, është pjesë e transformimit të aksesit në BE. Ne e mbështesim dhe e vlerësojmë punën e SPAK”.
Ambasadorja e Francës, Catherine Suard u shpreh se BE-ja mbështet SPAK në punën e rëndësishme që po bën.
”Jemi të lumtur për hapat e Shqipërisë në BE dhe jemi të bindur që ato do vazhdojnë. Procesi i integrimit është i rëndësishëm për transformimin e shoqërisë shqiptare. Në këtë proces transformimi, Franca dhe Gjermani u japim ndihmë. Besoj se jemi dakord që ne mbështesim punën e SPAK, BE e mbështet në punën e rëndësishme që po bën”, tha diplomatja franceze.
