Ilir Meta ka reaguar nga burgu për lirimin nga “arresti shtëpiak” të Sali Berishës.
Ilir Meta sot është shumë i gëzuar për lirimin e bashkëpunëtorit të tij, Sali Berishës për të cilin thotë se damkën “Non Grata” të Amerikës me demek ia paska vendosur Edi Rama.
“Përshëndetjet më të përzemërta për liderin e Partisë Demokratike, Prof. Dr. Sali Berisha dhe urime për të gjithë qytetarët që duan dhe meritojnë një shtet të së drejtës! Në veçanti, dua të përshëndes Prof. Dr. Berishën me deklaratën time, si President i Republikës, të bërë më 22 maj 2021, kur ai u shpall “non grata”, sepse gjithmonë kam qenë i bindur se ajo fletërrufe u hartua kundër tij nga Edi Rama, Sorosi, Charles McGonigal, Rossini dhe Mcgonigalët e tjerë për të shkatërruar pluralizimin politik për qëllime korruptive dhe helmuar marrëdhëniet mes Shqipërisë dhe SHBA”, shkruan nder të tjera Ilir Meta.
