Mbrëmja e së shtunës solli dinamika në shtëpinë e Big Brother VIP. Kjo pasi në fillim të spektaklit, këngëtari Luiz Ejlli pati një kërkesë publike për produksionin, të cilën ia tha moderatores Arbana Osmani.
Ai tha se ka rënë dakord me Oltën dhe dëshirojnë një përballje “kokë më kokë”, duke shkuar vetëm ata të dy në tele-votim. Artisti shkodran theksoi se për të shkuar që të dy vetëm në një televotim kanë rënë dakord edhe të gjithë banorët e tjerë. Me të dëgjuar këtë, Arbana iu drejtua me ironi Luizit duke i thënë: “Në çfarë ore e doni këtë dëshirë?”. Pas kësaj banorët filluan të qeshin, duke kuptuar se kërkesa e Luizit dhe Oltës është qesharake dhe se rrjedhën e ngjarjeve në shtëpi e cakton “Vëllai i Madh” dhe jo banorët.
Big Brother nuk e ka në plan që të zhvillojë një finale të parakohshme mes Luizit dhe Oltës, dy konkurrentët më të fortë në shtëpinë më të famshme në Shqipëri.
