Kryeinspektori i Përgjithshëm i Inspektoriatit Qendror, Shkëlqim Hajdari, ka dhënë dorëheqje nga posti i tij.
Burime për mediat bëjnë me dije se, krejt papritur Shkelqim Hajdari ka vendosur të lërë këtë post, të cilin e ka mbajtur që prej korrikut të vitit 2016.
Emërimi i ish-prokurorit, në duart e të cilit kanë qenë dosja e “21 Janarit” si edhe çështja e Saimir Tahirit, si Kryeinspektor i Përgjithshëm u bë në korrik të vitit 2016.
Hajdari, me “bekimin” e kryeministrit Edi Rama, iu besua drejtimi i inspektoriateve, përfshirë atë të doganave, bujqësisë etj.
Ish-prokurori Shkëlqim Hajdari ka një eksperiencë të gjatë prej më shumë se 20 vitesh në sistemin e drejtësisë. Ai dha dorëheqjen si Prokuror i Shkodrës në vitin 2016 dhe që prej asokohe mbante postin e kryeinspektorit.
