Mbrëmjen vonë të së enjtes u zhvillua një mbledhje e Këshillit të Ministrave në Kryeministri. Burime bëjnë me dije se kjo mbledhje e Qeverisë është jashtë radhës për të bërë ndryshime në buxhet.
1.4 miliardë lekë i kalojë Ministrisë së Bujqësisë dhe Zhvillimit Rural dhe 500 milionë lekë Komisionit Qëndror të Zgjedhjeve. Paratë që do t’i akordohen KQZ-së do të shërbejnë për të mbuluar koston e votimit nga jashtë, por edhe për kthimin e zarfit. Pra qeveria angazhohet që të mbulojë 100% shpenzimet për votimin e diasporës, qoftë për dërgimin e fletës së votimit, ashtu edhe për ta kthyer zarfin.
Po ashtu mësohet se në mbledhje po diskutohet edhe për aktin normativ për shpërblimin e pensionistëve. Kujtojmë se Qeveria veç bonusit të Vitit të Ri për pensionistët, ka parashikuar edhe një tjetër bonus për pensionistët në pranverë.
