Nuk ndalen replikat në distancë mes Edi Ramës dhe Lulzim Bashës i cili po e akuzon kryeministrin se ka bërë marrëveshje me Berishën.
“Na nxore gjumin, te lagjja ime e vjetër. Kush është kandidat? Pëllumb Seferi mo Ram, e njeh mirë ti, ta hoqi skaplin më 2021. Ke vënë doktorin me më sulmu mu. U mërzit doktori që i sulmoj partnerin”, tha Basha.
Gjatë përgjigjes, Rama ironizon Gaz Bardhin për të cilin pohon se herë shkon me Lulzim Bashën herë me Sali Berishën.
Përgjigjet Rama: “E niu Lul, e ndjeu bufi plak atë që ndjeva unë kur u futa me vrap në listë të mbyllur. Sa e pashë që u zgjove. Ik thash mbyllu në listë se të shkatërroi prap Lul tsunami, siç më shkatërrove në 2015, 2017, 2019, 2021. Po që më ka marrë malli të ma këndosh prap himin aty poshtë. Le të merret bufi me ty tani, se e mori lehtë këtë punë, por kam frikë se është vonë. U ngrit era euroatlantike dhe po shkunden puplat te këneta. Ju mbyti xhelozia, më keni bërë si dashnore kolektive, ti më thua jam i doktorit, doktori thotë jam i Lul Bravës. Ore nuk e di..po ai Gaz ballokumja i kujt është? Se më parë thoje “Gazi është i imi, s’ka si Gazi im”. E mor artist, kur do të kuptojë ty këneta do jetë tharë komplet”
