Rritja e frikshme me 14.3% e numrit të aksidenteve, duket se nuk ka ndikuar aspak në ndërgjegjësimin e drejtuesve të mjeteve.
Edhe pse Policia Rrugore ka nisur një monitorim të imtësishëm në rrjetet sociale “Instagram” e “Tik Tok”, për të gjobitur dhe ndëshkuar të rinjtë që reklamojnë qarkullimin me shpejtësi në rrugët e vendit, një tjetër rast i shpejtësisë skëterrë është regjistruar në rrugën e Kombit.
Një 27-vjeçar nga Kosova e ka pësuar keq duke u gjobitur rëndë me 550.000 lekë të vjetra nga policia, pasi patrulla me radar ka konstatuar se ai drejtonte mjetin me 197 km/h dhe për më tepër shoferi nuk kishte vendosur rripin e sigurimit.
Gjithashtu në kuadër të masave të marra për parandalimin e aksidenteve rrugore, 57 drejtues të tjerë mjetesh janë ndëshkuar me gjobë për qarkullim me shpejtësi mbi normën e lejuar në autostradcën Milot-Morinë.
