Mbi 50 persona janë shoqëruar në polici në lidhje me protestën e dhunshme të Partisë Demokratike ku u “paralizua” qarkullimi i automjeteve në Tiranë.
Në pranga kanë rënë 2 militantë të PD-së, ndërsa janë proceduar në gjendje të lirë deputetët demokratë që organizuan protesën e dhunshme që bllokoi në mënyrë të paligjshme rrugët e kryeqytetit.
Për afro 3 orë, një grup i Berishes protestoi duke bllokuar 5 akset kryesore në kryeqytet para Bashkisë së Tiranës, sheshin “Willson”, rrethrrotullimin e Zogut të Zi, Pallatin me Shigjeta dhe kryqëzimin e rrugës së Elbasanit.
Policia e cilësoi të paligjshëm tubimin e opozitës, duke i kërkuar të zhbllokonte rrugët dhe lejonte qarkullimin e automjeteve. Por demokrati Flamur Noka jo vetëm nuk iu bind por arriti deri aty sa të qëllonte me shpullë dfektivin e policisë.
