Ministrja e Kulturës, Elva Margariti ka postuar një foto me regjisorin Altin Basha, i cili është emëruar si drejtori i ri i Teatrit Kombëtar.
Teksa uron Bashën, Margariti falenderon dhe ish-drejtorin Hervin Çuli, që ka drejtuar këtë institucion për dy mandate.
“Pas konkurrimit të hapur dhe me Vendim të Këshillit të Ministrave, regjisori Altin Basha është drejtori i ri i Teatrit Kombëtar! Duke falenderuar ish-drejtorin Hervin Çuli, që ka drejtuar këtë institucion për dy mandate, i uroj suksese z. Basha në këtë mision, që do ta udhëheqë Teatrin Kombëtar drejt hapësirave të reja, të denja për artistët dhe spektatorin” shkruan Margariti. Më herët Basha ishte drejtori i Teatrit Kombëtar Eksperimental “Kujtim Spahivogli”, post nga i cili dha dorëheqjen pasi kandidoi për postin e Drejtorit të Teatrit Kombëtar.
