Në zgjedhjet e 11 majit të kaluar, Lulzim Basha “doli në skenë” me Koalicionin Euroatlantik (KEA).
Por edhe përse Basha është “zhdukur”, partia me të cilën ai kandidoi i është drejtuar me një shkresë zyrtare Komisionerit Shtetëror të Zgjedhjeve, Ilirjan Celibashi, ku kundërshton gjetjet e raportit të auditimit të KQZ-së që propozonte sanksione të majme financiare ndaj këtij subjekti për zgjedhjet e 11 majit, sipas raportimit të Vna.al.
Kujtojmë se një ditë më parë u bë me dije se Sektori i Mbikëqyrjes dhe Financimit në KQZ, kishte parashikuar një masë ndëshkimore shumë të rëndë për koalicionin e Bashës, me një gjobë e cila varionte nga 2,000,000 deri në 3,000,000 lekë të reja. Nën pretendimin se subjekti në fjalë, pra KEA, kishte keqpërdorur llogarinë bankare të fushatës, duke kryer nga ajo pagesa të cilat lidhen me aktivitetin e përditshëm të partisë, dhe jo me procesin zgjedhor.
Ndërkohë që në shkresën e bërë pranë KQZ-së me datë 20 maj nga kreu i KEA-së Endri Hasa, këto gjetje janë cilësuar si të pabazuara. Duke shtuar se koalicioni disponon vetëm një llogari bankare të hapur në mars 2025, e cila është deklaruar rregullisht pranë KQZ-së. Më tej Hasa pretendon se i gjithë dokumentacioni justifikues, është vënë në dispozicion auditues në rrugë elektronike dhe mund të verifikohen lehtësisht.
Përfaqësuesit e koalicionit shprehin shqetësimin se për këtë masë administrative janë njohur vetëm përmes medieve, pa pasur asnjë njoftim paraprak zyrtar nga administrata zgjedhore. Më pas për shkak të pamundësisë për të dërhuar një përfaqësues në seancën e shqytrimit, Koalicioni Euroatlantik i ka kërkuar KQZ-së shtyrjen e vendimmarjes.
