Kiara dhe Luizi kanë sqaruar sot raportin e tyre. Luizi e pyeti moderatoren nëse ai e bezdis, ndërkohë që ajo i tha “jo” dhe se do të vazhdojë të qëndrojë me të dhe pse të gjithë banorët e tjerë i janë kthyer kundër. Kiara i tha gjithashtu se e ka shumë xhan dhe i kërkoi të mos dorërzohet përballë banorëve.
“Nëse të bëj të vështirën, ta bëj për të treguar një vlerë timen që unë e kam dhe jashtë. Në rast se mua më ngacmon dikush unë sigurisht që do ta mbaj veten, nuk do t’i hidhem në krahë në mënyrë që ta lejoj që të më lëndojë. Nëse unë vazhdoj të të flas është sepse realisht të kam xhan, të kam shumë xhan. E di, e kuptoj që ke një anë shumë të mirë që asnjë nga këta nuk do të ta nxjerri. E dinë që ti je lojtar i fortë dhe duan të të prekin me mua, të hedhin kunja prandaj mos u dorëzo”, u shpreh ajo.
Luizi e pyeti nëse e ka menduar veten ndonjëherë me të jashtë shtëpisë. “Po e kam menduar, por para gënjeshtrës”, i tha Kiara.
