Ministrja e Arsimit, Evis Kushi ka njoftuar ndërprerjen e mësimit në 56 shkolla të vendit për shkak të motit të keq kryesisht në qarqet Durrës, Lezhë dhe Shkodër.
Ky vendim është marrë për sigurinë e nxënësve deri në përmirësimin e situatës. Mësimi për orët e humbura do të zëvendësohet në vijim sipas një kalendari të përcaktuar nga DPAP.
“Për shkak të situatës së rënduar të reshjeve në disa zona të vendit, pas komunikimeve intensive të këtyre ditëve me zyrat vendore arsimore dhe bashkitë, ju informojmë se mësimi është ndërprerë në 56 shkolla”, njofton ministrja Kushi.
