Analisti Mustafa Nano, ka bërë një analizë të ngjarjeve që pritet të ndodhin javën e ardhshme në kuadër të Samitit të BE që do të mblidhet për herë të parë jashtë Brukselit dhe për këtë është zgjedhur kryeqyteti shqiptar.
Sipas Nanos, qëllimet e vërteta të protestës janë të dukshme, Sali Berisha do t’i tregojë Europës se damkosja e tij si “non-grata” nuk ka zgjidhur gjë, por se madje madje ai ka në dorë paqen dhe stabilitetin e Shqipërisë.
“I vetmi politikan shqiptar të cilin Perëndimi e ka shpallur të korruptuar është Berisha. Jo vetëm e ka shpallur të korruptuar e të rrezikshëm për demokracinë shqiptare, por edhe e ka ndëshkuar me izolim për këtë shkak. Asnjë ambasador i Perëndimit nuk pranon t’i japë dorën. Qëllimi i vërtetë i protestës është t’i thotë Europës se “goditja, damkosja, turpërimi e ndoshta gjykimi i tij nuk zgjidhin gjë, përkundrazi, e ndërlikojnë situatën, dhe se paqja e stabiliteti në Shqipëri varen prej tij”. Atij i është ngushtuar hapësira. Në fakt, i kanë mbetur vetëm dy rrugë: Të dorëzohet apo të humbasë, dhe për rrjedhojë të përfundojë pa kthim në koshin e plehrave të historisë”, shkruan ndër të tjera Nano.
