Kryeministri Edi Rama ka deklaruar se Partinë Socialiste e ndajnë vetëm 100 ditë nga fitorja e 10 radhazi dhe mandati i katërt qeverisës.
Mes të tjera, Rama deklaroi PS do ta ngjisë Shqipërinë në majën më të lartë. Kreu i qeverisë nënvizoi se vendi ynë më 2030 do të jetë në oborrin e BE, si i barabartë mes të barabartëve.
“Të rinj dhe të reja të familjes sonë politike, mirë se takohemi sot në këtë Kuvend Kombëtar Rinor, që zhvillohet plot 100 ditë nga fitorja jonë e 10 radhazi. 100 ditë nga sot, PS, forca e përbashkët e djemve, vajzave, djemve, grave, gjyshërve, gjysheve, forca e përbashkët e shqiptarëve, do ta marrë mandatin e katërt për ta ngjitur Shqipërinë në majën e lartë të 2030, aty ku vendi ynë do të jetë si gjithë Europa. Në atë majë, ne do vendosim flamurin kombëtar, ku është oborri i familjes europiane, ku do jemi anëtarë të BE-së, si të barabartë mes të barabartëve”, tha Rama.
