Një aksident me pasojë vdekjen e një 25-vjeçari ka ndodhur mbrëmjen e djeshme në Laç, nga përplasja e dy automjeteve.
Policia bën me dije se dy persona të tjerë kanë mbetur të plagosur, të cilët janë transportuar në Spitalin e Traumës në kryeqytet.
“Rreth orës 22:00, në qytetin e Laçit, janë përplasur automjeti me drejtues shtetasin A. Z., me automjetin me drejtues shtetasin G. Xh. Si pasojë e aksidentit, ka ndërruar jetë shtetasi E. T., rreth 25 vjeç, i cili ishte pasagjer në automjetin e shtetasit G. Xh.
Gjithashtu, janë transportuar për ndihmë mjekësore drejtuesi i automjetit, shtetasi G. Xh., 23 vjeç, si dhe pasagjeri tjetër, shtetasi L. F., 23 vjeç, të cilët ndodhen në Spitalin e Traumës, jashtë rrezikut për jetën. Shtetasi A. Z. është shoqëruar në Komisariat për kryerjen e veprimeve të mëtejshme procedurale”, njofton policia.
