“Unë kam qëllim që t’ju nxjerr të gjithëve jashtë”, kjo është fraza e përsëritur shpesh nga Luiz Ejlli brenda shtëpisë së “Big Brother” ndaj të gjithë banorëve.
Këngëtari ka shprehur ditën e sotme dëshirën për të pasur një “mision sekret” që t’i heqë imunitetin Shpatit. Teksa ndodhej në oborr së bashku me Nitën, Oltën dhe Armaldon, ai tha se do bënte çdo mision për t’i hequr imunitetin banorit më të ri të shtëpisë së “Big Brother”.
“Se s’bën dua një mision sekret sot, që t’i heq imunitetin Shpatit. E dua. Jam i gatshëm t’ia heq. Çfarëdo lloj qoftë misioni sekret”, tha këngëtari. Nga ana tjetër edhe Olta Gixhari shtoi se edhe ajo ka dashur që të hyjë te dhoma e rrëfimit për ta kërkuar një gjë të tillë njësoj si Luizi. Pas një kohe të gjatë si kundërshtarë, tashmë Olta dhe Luizi janë në të njëjtën mendje.
