Deputetët e mazhorancës dhe opozitën me vota të përbashkëta kanë miratuar në Komisionin Parlamentar të Veprimtarisë Prodhuese disa ndryshime në Kodin Rrugor.
Lajm i mirë për shoferët pasi në Komision u miratua në parim për të zgjatur në 15 ditë afatin e pagimit të gjobave pa kamat vonesë nga 5 që ishte dhe për të përfituar 50% ulje nga 20% që është aktualisht në Kodin Rrugor.
Po ashtu një tjetër ndryshim i rëndësishëm në Kodin Rrugor që do të miratohet në Kuvend është që nga 110 km/h në autostradë do të lejohet qarkullimi me 130 km/h. Po ashtu vlefshmëria e patentës do të zgjasë 15 vite nga 10 që është momentalisht. Këto vendime janë miratuar parimisht në Komision, ndërsa pritet që nesër të miratohen edhe në Kuvend.
