Ministri i Mbrojtjes, Niko Peleshi u shpreh i gatshëm për të ndihmuar Kosovën në rast se përshkallëzohet situata ne veri të Kososvës si pasojë e sulmeve nga Serbia.
Shqipëria nuk ka dërguar forca shtesë në Kosovë pas ngjarjes së 24 shtatorit.
“KFOR është prezenca jonë më e madhe, kemi rreth 100 efektivë, të cilët nuk janë të dislokuar në pjesën e Veriut të Kosovës, janë kryesisht në Pejë dhe në shtabin e KFOR në Prishtinë. Natyrisht që ne jemi pjesë e gjithë vendimmarrjes së NATO-s, por më të interesuar më shumë se gjithë të tjerët, pasi Kosova është prioriteti jonë strategjik, kombëtar. Nuk i është kërkuar Shqipërisë, të shtojë numrat, mbas ngjarjeve në Veri, natyrisht NATO ka strukturën e vetë dhe rregullin e vetë të thirrjes në vende të ndryshme, nuk është ky rasti në Shqipëri. Por padyshim jemi të gatshëm të mbështesim çdo iniciativë për fuqizimin e NATO-s në Kosovë përmes KFOR”, tha Peleshi.
