GJKKO çoi për gjykim çështjen ndaj Fredi Belerin i cili do të gjykohet per akuzën e blerjeve të votave.
Avokati i njohur Spartak Ngjela është i bindur se Fredi Beleri do të dënohet patjetër pasi është kapur në flagrancë.
“Do të dënohet patjetër Fredi Beleri. Është kapur në flagrancë. Nga flagranca nuk ka shpëtim askush me shitblerje votesh. Ka fituar me 20 vota. Është një njeri i rrezikshëm me veprimtari anti-shqipare të tmerrshme. Lëri të paguarit që lëshojnë grekët poshtë e përpjetë. Ka blerë vota. Si mund të jetë kryetar bashkie ai. Vetëm injorantët e konsiderojnë kryetar bashkie. Ka marrë fund kjo…Edhe presidenti po të kapet në krim hyn në burg. Është kapur në krim. Çdo njeri që bën krim do të futet në burg. Ai është një njeri që ka blerë vota dhe kurrë nuk do të dalë nga burgu”, tha Ngjela.
