Samiti i Bashkimit Europian me Ballkanin Perëndimor ka nisur sot në Tiranë.
Kryeministri Edi Rama është duke pritur liderët europianë pranë ambienteve të stadiumit “Air Albania”, ku do të zhvillohen edhe punimet e këtij Samiti. Kryetarja e RCC, Majlinda Bregu ka qenë e para që është pritur nga Rama, më pas ka mbërritur kryeministri i Maqedonisë së Veriut Dimitar Kovačevski, dhe Komisionari për Zgjerim i Bashkimit Evropian, Oliver Varhelyi.
Një detaj që bie në sy është tapeti i kuq me të cilin Rama i ka mirëpritur dhe respektuar pothuajse të gjithë liderët e Europes dhe më pas kanë hyrë në Sallën ku zhvillohet Samiti dhe do të firmosen marrëveshje të rëndësishme. Rama i veshur me kostum tha se kjo është një ditë historike për Shqipërinë.
