Një protestë e paralajmëruar para disa ditësh është zhvilluar sot janë ambjentete të shtëpisë së Big Brother Vip në shenjë solidariteti ndaj këngëtarit Luiz Ejlli.
Qytetarë të shumtë janë mbledhur për të mbështetur konkurentin e tyre të preferuar pas situatës së krijuar në shtëpi sa i takon deklaratës së tij se ishte i sëmurë dhe faktit që sipas analizave ai doli i shëndetshëm. Siç shihet dhe nga pamjet e mëposhtme, ka dronë, fishekzjarre dhe muzikë në mbështetje të Ejllit, i cili prej puntatës së fundit ka fituar zemrat e publikut.
Ndërkohë, patrulla të Policisë së Tiranës janë parë në Kashar, duke mos lejuar fansat e Luiz Ejllit të afrohen pranë mureve të shtëpisë së Big Brother. Kjo ka zgjatur vetëm 30 minuta, pasi fansat kanë mundur të futen përmes një toke aty pranë. Produksioni nga ana tjetër i ka futur brenda në living room të gjithë banorët dhe ka mbyllur dyer.
