Kryeministri Edi Rama ka zbuluar një nga një kategoritë që përfitojnë nga “Paketa e madhe” e ndihmës që ofron qeveria shqiptare në ditët e para të Vitit të Ri. Rama ka zbuluar se 80 mijë lekë të vjetra do të përfitojnë çdo familje me ndihmë ekonomike për të zbutur krizën ekonomike.
“8000Lekë (të reja) për çdo familje me ndihmë ekonomike, që impakti i inflacionit të luftës në muajt e mbetur të dimrit të zbutet maksimalisht mbi konsumin bazë të tyre dhe ky dimër i vështirë ekonomik për mbarë Europën, të kalojë sa më lehtë për këto familje”, shkruan Rama.
Kryeministri Rama ka bërë me dije se pensionistët dhe personat me aftësi të kufizuara janë dy kategoritë e tjera që do të përfitojnë 80 mijë lekë të vjetra për të përballuar rritjen e çmimeve.
