Louis van Gaal ka dhënë dorëheqjen si trajner i Holandës pas humbjes me penallti ndaj Argjentinës në çerekfinalet e Kupës së Botës 2022, 16 muaj pas rikthimit të tij.
“Kjo ishte ndeshja ime e fundit. Së pari dhe më kryesorja nuk do të vazhdoj. E bëra vetëm për këtë periudhë kohore. Kjo ishte ndeshja ime e fundit në mandatin tim të tretë si trajner”, do të theksonte 71-vjeçari.
Kjo është hera e dytë për të që eliminohet nga Argjentina me penallti në Kupën e Botës. E para përkon me kampionatin botëror Brazil 2014.
