Deputeti demokrat, Saimir Korreshi thotë se nëse të dy grupimet në PD dalin me dy kandidatë të ndryshëm, do të humbin në zgjedhjet lokale dhe kjo do të çojë në rrënimin e partisë.
“Demokratët duhet të futen me një kandidat. Nuk fitojmë me dy. PD duhet të bëjë përpjekje për të bashkuar demokratët dhe të futet në zgjedhje me një kandidat”, tha Korreshi.
Sipas tij, dy liderët Sali Berisha dhe Enkelejd Alibeaj nuk pyesin për bashkimin e partisë.
“E kërkojnë demokratët bashkimin. Por duke parë në këtë farë dergjjeje që është PD, ndodh që njerëzit nuk akne besim te ne. Janë të zhgënjyer nga opozita.Duhet të kishte përpjekje më të madhe nga Berisha për t’u bashkuar. Logjika nuk shkon, situata po precipiton, nëse s’do kemi ndërgjegje nga liderët, kjo do shkojë drejt rrënimit të PD”, vijoi Korreshi.
