Partia Demokratike firmosi një koalicion për zgjedhjet e 14 majit me PBDNJ e Vangjel Dules, pasi PD i la si zonë të lirë bashkinë Himarë, Finiqin dhe Dropullin.
Mirëpo, sipas Eduard Zaloshnjës, koalicioni mes PD dhe PBDNJ-së nuk mund të jetë i suksesshëm duke marrë parasysh fitoren e PS dhe diferencen e saj në këto 3 zona.
“Në zgjedhjet e fundit parlamentare, në këto tre bashki, PS dhe Partia Social Demokrate kanë marrë një mazhorancë të qartë. Është e vështirë për opozitën që të përballet duke pasur parasysh se mazhoranca ka pasur 60 % të votave vetëm 1 vit e gjysmë përpara në Himarë“, tha Zaloshnja. Duke iu referuar sondazheve, nëse zgjedhjet do të mbaheshin sot, Partia Socialiste do të fitonte 39 deri në 48 Bashki ne rang kombetar, pra shumicen e bashkive në gjithe vendin.
