Një tjetër projekt pritet të përfundojë në pranverë nga DPSHTRR. Kryeministri Edi Rama thotë se bëhet fjalë për projektin e Poligonit të parë publik për Testimin e Lejeve Të Drejtimit si edhe Qendrën e parë Edukative Digjitale të Simulimeve Virtuale për leje drejtimi.
Ky investim do të kryhet në Fushë-Prezë të Tiranës. Kreu i qeverisë thotë se projekti do të jetë i standardeve më të larta ndërkombëtare.
“Dhe me projektin e Poligonit të parë publik për Testimin e Lejeve Të Drejtimit si edhe Qendrën e parë Edukative Digjitale të Simulimeve Virtuale për Leje Drejtimi në Fushë-Prezë të Tiranës, një tjetër projekt i standardeve më të larta ndërkombëtare nga DPSHTRR, i cili përfundon në pranverë. Kjo do të jetë qendra e parë edukative dixhitale e stimulimeve virtuale të drejtimit të mjetit”, shkruan Rama krahas videos.
